U Montri Rangbah ka Meghalaya u Conrad Sangma ynne ka sngi da ong u wa smat u wow lai synran lang ya u Lat ka jylla u Satya Pal Malik cha Delhi yow yaklam ya ki kaam ka jylla heiwa u Lat leh da pynsñiaw u yei sñiawthooh yeiwa emkaam ka jylla wei lada khut lang u wow lai Delhi oo leh smat u wow lai.
Da ong u leh wa ka sorkar da dep ko wow chim yaka rai hapoh ka yung dorbar wow pynkrehkaam yaka ILP hapoh ka jylla wei dang pteiñ hi wow booddien ya ini waka sorkar pyrdi.
Heijooh i por da ong u wa ini chong i ha u Lat uwa daw pynbait hi yei yong oo hi.
Da ong u leh wa u Lat da ong u ya oo wa kwah u wow kreh neibynta i bha i miat ka jylla wei sñiawthooh u yei emkaam ki bru ka jylla wei kwah u leh wow lai cha kani ka luti.
Da pyntip chooh chooh u wa daw yachem u wa u Lat mynstep deilang wa u Speaker u Metbah Lyngdoh wa u Deputy Chief Minister u Prestone Tynsong yow yaklam ya kiwa boon ki kaam wa kynthup leh yaka Meghalaya Residents Safety and Security Act wei hadien kani ka yalang daw che wa kammon man i kaam.
Kam wow pynkynmoo wa haka sngi thohdieñ ka tayaw wa dep, ka Confederation of Meghalaya Social Organisations (CoMSO) da yachem ki wa u Malik kam chibynta wow pynkrehkaam yaka ILP hapoh ka jylla kamjooh yaka MRSSA.
