April 11, 2019

Sñiaw skem u Jemino wow jop ya ka Election na Shillong

Shillong: Neiliang u kyrtong monlang na Shillong uwa yakhun ha ka chaap yong ka ‘Bom’, u Dr. Jemino Mawthoh da pynsñiaw ki yei sñiawskem wow rah u ya ka thong ha ka 23 Naisan, neidaw i kyrchaan lang ki seiñ kiwa em ha ka sorkar MDA.

U Dr. Mawthoh da ong u wa kamwa man katni, ki paidbah da ngiah ki ya u MP ka Congress uwa da mihkhmat 2 sien kynthih wei daw kyruiñ bait cha ki party ri-loom wow phah da u MP wa thymme.

Da ong u wa i kreh chitom yong waroh kiwa kyrchaan ki party wa em ha ka sorkar daw yarap ko chiboon ya u kyrtong monlang wow jop ya kani ka election.