Shillong: Ka UDP da sñiaw yahaap ko ya i rukom khoh pyrtuid pura ka Khun Hynniewtrep National Awakening Movement (KHNAM) ya ka PDF deiwa ong wa kani ka seiñ mut ko ka ‘Phetwir Democratic Front’, neibhah wa ki MDC kiwa psiah cha ka (PDF) toh kiwa da yut na kawi ka seiñ.
Hawa yaklam wa kiwa pathai khubor ynne ka sngi, u President ka UDP u Dr. Donkupar Roy da ong u, “nga sñiaw yahaap bha O kamwa ong ka KHNAM wa ka PDF toh ka seiñ Phetwir (Phetwiar)”.
Da ong u wa ka PDF da thied lut ko ya ki MDC da ka poisa wa e ka sorkar pyrdi cha ka District Council.
“Da thied ki ya ki MDC yong i da ka poisa ka sorkar pyrdi kawa yoh ki T. 133 klur”, da ong u Dr. Donkupar.
Da pynrap u deiwa ong, “Kitu kiwa kyrchaan kiwa psiah deibor ka poisa deiwa e scheme ya ki chiboon ya kiwa kyrchaan ya ki, katwa ki wym kyrchaan won da e kajiak donhi”.
Ka UDP da kylli ko leh wa wat ya ki kaam MDC wa da pynkham ha ki da ki paidbah ym ye ki u leh kammon won u ye ki u chakri ya ki paidbah?
Also Read: Ka PDF mut ko Phetwir Democratic Front da ong u GS ka KHNAM
Discussion about this post