Sniawbhalang Football Tournament: Jop ka Namdong-B waka Nongkhroh

Ka 3rd Sniawbhalang Football Tournament kawa da pynman ha Wahiajer da pteiñ ya ka ynne ka sngi deiwa pynman ar tylli ki yalehke.

Ha ka yalehke wa nyngkong, ka Namdong-B da jop ko yaka Bamkamar da 2-1.

Ya ka Namdong-B da thap kool da u Daniel Dkhar haka minit wa 22 wa u Leimiki Dkhar haka minit wa 30 katwa ya ka Bamkamar da thap da u Kharlius Nongrum haka minit wa 10.

Related posts

Khut ka Wahiajer Sport Club cha ka Football Trial yow jied ya kiwa yalehke Super Division

July 9, 2026

I pyntip wa emkaam cha ki Team, ki Club wa em hapoh ka Thadlaskein Sport Association

July 8, 2026

Ha ka yalehke wa ar, ka Nongkhroh da jop ko yaka Moorap da 8-0 wei ya kini ki kool da thap da u Deciderius Pyrtuh haka minit wa 30 wa 65, u Rio Myrboh haka minit wa 35, 56, 58 wa 64, u Snowel Kharsati haka minit wa 53 wa u Riborlang Kharsati haka minit wa 67.

Mynstep ka yalehke u pynman hapyrdi ka Umladang waka Myngkrem heipor 2:00 waje i sngi.