Women’s League: Jop ka Wapung Combine yaka Iongkalooh

Ka Women’s League wa tip leh kam ka (L) Mary Tlang Memorial Trophy wa pynman da ka East Jaiñtia Hills District Football Association (EJHDFA), da pteiñ biang ya ka ynne ka sngi deiwa pynman ar tylli ki yalehke.

Ha ka yalehke wa nyngkong da pynman hapyrdi ka Dkhiah West SC pyrchah yaka Deinchynrum SC wei da kut ko khlem em wa yoh u thap kool hanla waroh arliang da yaleh ki wow toor chakhmat tangwa ka yalehke da neh ko hapyrdi madan wei manda poi ka bol chajan ka kool leh ymtoh deiwa em i maa.

Kamtæ waroh kini ki ar liang da yoh ki mar chi Point.

Related posts

Khut ka Wahiajer Sport Club cha ka Football Trial yow jied ya kiwa yalehke Super Division

July 9, 2026

I pyntip wa emkaam cha ki Team, ki Club wa em hapoh ka Thadlaskein Sport Association

July 8, 2026

Ha ka yalehke wa ar won da pynman hapyrdi ka Wapung Combine SC pyrchah yaka Iongkalooh SC heiwa ka Wapung Combine SC da jop ko da 7-0 da ki kool wa thap ka Charlin Nongtdu (4 tylli), ka Aidashisha Shadap (2 tylli) waka Dawanrimika Rymbai (ka wi).

Ya kine ki yalehke da pynman ha madan Artificial Turf ka East Jaiñtia District Sports Association.