Ka 3rd Sniawbhalang Football Tournament kawa da pynman ha Wahiajer dapoi ko cha ka sngi wa ynru ynne deiwa pynman biang soo tylli ki yalehke.
Ha ka yalehke wa nyngkong, ka Nongkhroh da jop ko yaka Moodynmai da 3-0 lyngba ki kool wa thap u Rio Myrboh haka minit wa 18 wa u Deciderius Pyrtuh haka minit wa 30 wa 47.
Ha ka yalehke wa ar, ka Iongshiwiat da jop ko yaka Mookabeng da 2-0 da ki kool wa thap u Kynsaibor Dkhar haka minit wa 7 wa u Elias Rymbai haka minit wa 68.
Ha ka yalehke wa le, ka Umbluh da jop ko yaka Mookjat da 1-0 da ka kool wa thap u Rijied Myrboh haka minit wa 31.
Ha ka yalehke wa soo, ka Khanduli da jop ko yaka Khonsaro da 1-0 lyngba ka kool wa thap u Pormi Langshiang haka minit wa 61.
Ki yalehke mynstep u pynman biang soo tylli kiwa da sdang heipor 8:30 i step hapyrdi ka Namdong-B waka Madanrtiang, heipor 10:30 won ka Mukoh u yachem ko waka Moobakhon, heipor 12:30 ka Ladmyngor u yachem ko waka Mooker wei daw pynkut heipor 2:30 i sngi da ka Kremmyrsiang waka Lapangap.
Discussion about this post