theme-sticky-logo-alt
theme-logo-alt
Advertisement ad1

Sñiawdiaw ka RJTA wa pynbna khang yaw ha Jowai khlem e por

Advertisement ad1
Advertisement ad1

Ka Ri-loom Jaiñtia Trader Association (RJTA) da pynsñiaw ko yei sñiaw diaw hajrong ka hukum wada pynbna u Deputy Commissioner ka West Jaiñtia Hills District wow khang chwa ya ki yaw ki haat hapoh Jowai kam chibynta wow khanglaad yei poor ka khlam COVID-19. 

“Dap i dei khyrngiat wow yoo ya ka hukum u DC wa kammon ka sorkar wym em pyrkhat ko ya ki kup chiliang sem chiliang wa heipor wa tbian ynne ka sngi pynmih hukum u wow khang yaw wei u krehkaam ko leh pyn chibet i miet yong kani hi kajooh ka tarik,” ong u Paila K Lyngkot, President ka RJTA.

Advertisement ad1

Da ong u wa hei sakhiat toh u e por deiwa rap kyllooid khnang wa kiwa chong yaw u tip ki wow pynlut chwa yaki mar wada dep thied, wei yow lait leh u thied mar.

Da pynrap u leh deiwa ong, “Hawa kyruiñ i cha kiwa chong dai marbaam khamtam kiwa dai jhur, dai soh, neibhah ynne toh ka sngi nyngkong yong ka tayaw, boon hi da thied mar ki rap boon, tangwa kattu cheiwon u li noh ki khamtam yaki mar pyut”.

Lada ka sorkar leh bait ko heini i rukom, ong u wa i dooh nong wa khroo toh ya ki paidbah wa kynthup nadooh kiwa dai kiwa thied, wei boonsien leh da pynmih du ka hukum u khang khlem da pyntip lang ya ka sngi wow wai.

Heijooh i por kyntu haroh ki ya ka sorkar wa hawa em iwon iwon i thmu wow khang chnong, khang yaw næ kiwon kiwon, toh u pyntip heipor wa kyllooid deiwa pynrap wa kam kiwa chongdai da em kamwa 60% kiwa da dep chim tika.

Share this:
Previous

Mih ki paidbah wow lai thied mar hadien wa pynbna syndet wow khang ki yaw ha Jowai

Next

Khlaad noh u Tbn O. Upstar Lyngdoh uwa jooh man kam u Principal ka Kiang Nangbah Govt. College