theme-sticky-logo-alt
theme-logo-alt
Advertisement ad1
Advertisement ad1
Advertisement ad1
Advertisement ad1
Advertisement ad1

Mih ki paidbah wow lai thied mar hadien wa pynbna syndet wow khang ki yaw ha Jowai

Advertisement ad1

Du hadien wa u Deputy Commissioner ka West Jaiñtia Hills District, da pynmih hukum u wow khang yaki yaw ki haat ha Jowai nadooh chiteiñ synyaw yong ka 2 tarik uni u bnai neidaw wa ku kiwa yabi COVID-19 haka District.

Ki paidbah da mih ki naki yung ki sem wow li thied marbaam cha ki yaw ki haat wa em ha Jowai dei tieñsar ya boi duna baam ha yung neibhah katkam ka hukum da ong wa yaka yaw u khang hadooh wow pynbna deiwi tawan.

Da sakhi ya i yachlong ki paidbah wow thied marbaam iwa da jia ha ki bynta pynman yaw waphær waphær ka Jowai wa kynthup nadooh Iawthymme kamjooh ki yaw wa em em ha Iawmusiang, najrong wada sakhi wa ki sarok ki luti lai kjat da khynnia daki paidbah wa dai wa kiwa thied marbaam kamjooh.

Chibynta won hajrong ini i pynbna wow khang yaw, da yohlaad u yaklam wa ki kattu katni kiwa chong yaw, kiwa da pynsñiaw yei diaw deiwa ong wa ym tip de ki kammon u leh yaki mar wada dep thied, ong ki wa hei sakhiat ka sorkar toh u pyntip chwa ko yow dam ki u thied, tangwa i pynbna wa syndet syndet ha kani ka sngi wanrah ko yei eh i khoo. 

Chooh chooh da pynrap ki wa najrong wa toh ki mar pyut, kamtæ ini i khang yaw syndet da pynkulmar yumut ko ya ki kam kiwa pyndap yei emkaam ka yung ha sem, neibhah iyi wa yoh ki neiwa dai ki hei sngi, poi hei miet won thied baam ki ya ki khon.

Kawi ka kong wa dai sapdok khana ko wa dei thmu u yoh nong da thied chwa ko neibynta u dai 3-4 sngi tangwa ini i pynbna wa khlem e por da pyndooh nong ko, wei la toh iwa da tip chwa ko wow khang, heithaw u thied sapdok da thied ko da u khoo yow pyndap ha yung.

Share this:
Previous

U Dasakhiat klam u yeiwa sakhiat, ym emkaam wow phah paan-maap, ong ki paidbah ka Mawhati

Next

Sñiawdiaw ka RJTA wa pynbna khang yaw ha Jowai khlem e por