Sñiawkhia ka JNC ya ki kyndon wa e laad ya kiwa na baar wow wan tih mooyong hapoh Meghalaya

Ka seiñ Jaiñtia National Council (JNC) ynne da lai e dorkhat ko ha u Secretary ka chnat Mining & Geology ka jylla Meghalaya, u E. Kharmalki hajrong i chem chitom kiwa boon wow pynhun ya ki kyndon yow ye u tih mooyong katkam wa da pynbna da ka sorkar Meghalaya ha ka 05-03-21.

Ka kyndon wa chem chitom dooh toh wa emkaam thaw wa heh 100 Hectare yow ye u tih mooyong iwa mut du chi troh donhi kiwa daw ye u tih mooyong iwa da ktah ya kitu kiwa jooh chaniah na u mooyong yow im ja.

Neiliang u E. Kharmalki da ong u wa ini toh iwa hap wow chimkhia wei da pyntip u cha ka seiñ wa daw em ka yachem hapyrdi ka sorkar jylla waka Ministry of Coal ka sorkar pyrdi yow ye u pynduna ya kani ka 100 Hectare wei da yooluti u wa daw ye wow pynhiar yeini hadien wa yalang.

Ka seiñ da sñiawkhia ko leh ya ka kyndon wa ong wa ki wym man kam ki tre thaw lada yoh bor ki na ki tre thaw ye ki wow tih mooyong wei ini ye ko wow wai laad ya ki bru wa na baar kamjooh ki Company wow wan tih mooyong iwa daw knieh yei hok ki tre chnong.

Related posts

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

Phah u Himanta wow tyngkheiñ yei kjat kiwa yaroh ya ka Pakistan

May 2, 2025

Chooh chooh ka seiñ da ong ko lada leh kamni, man ko leh pyrchah ya ka kyndon ka Sixth Schedule kamjooh ya ka aiñ Meghalaya Transfer of Land (Regualtion) Act, 1971 kawa da khang ya kiwon kiwon ki wym toh ki bru tynre ka Meghalaya wow ye ki wow yoh yei thaw hei pyrtuid yong ki.

Heiyatoh won wa kini ki kyndon, u E. Kharmalki da ong u wa daw phah ya ini cha ka chnat wa pait ya ka aiñ neibynta i bha i miat kiwa chong chnong.