Jowai: Ka seiñ Jaiñtia Students’ Union (JSU) ha ka khubor wa da pyllait ynne ka sngi da pynap ko yei mynsien wa khia wa joor heijrong i klam kutlaad u CEM ka JHADC neibynta ka mynried yong ka Jaiñtia Hills Autonomous District Council u Thombor Shiwat ha ka yalang wa da pynman heipor wa pynkyntang ya u Dolloi ka Elaka Jowai, ynnin ka 8 tarik ha Yung Langdoh, Lumiongkjam.
U CEM da ong u wa ka Council em ko hei ma wei ye ko leh u wiar noh neibhah wa ka poisa wa yoh ko da hiar bha i.
Ka JSU da ong ko wa ha-o wa ye ko u man kawa sakhiat wa ka JHADC yachem ko boon i eh ha ka katta poisa ko tangwa wow sñiaw won ya kini ki kyntien kutlaad na u CEM kam u khlieh dooh yong ka Council ha khmat paidbah man i i wym ye u mutdur, wei man i sniawkhia neibhah kini ki kyntien da pyndooh mynsien ki ya ka Ri wa ka Jaitru waroh kawi neibhah ka Council toh ka wow pait wow ri wow sumaar ya ka Riti ka Dustur, ka khyndaw ka chyiap wei i rukom man kyrpang kani ka jaitbru.
“Kamtæ i klam u CEM ka JHADC man i ym wow pynkhyrngiat ya waroh ki paidbah tangwa wow kyrsu thiah leh ya waroh ki MDC kiwa katni wa kiwa hadien wow pyrkhat ki dei miat næ hei yatoh weini, lym kamtæ daw man i thij kamwa da ong u CEM” da ong u Cultural Secretary ka JSU.
Also Read: Da pynkyntang ya u Puramon Kynjing kam u Dolloi wa pura ka Elaka Jowai
Discussion about this post