Sñiawkhia ka KSU wa synjor ki ar yingkieñ ha West Jaiñtia Hills

Ynne ka sngi ki heh ka KSU-WJH District Unit chirup wa ki dkot ka KSU ka Shangpung Unit da lai pait ki ya ka yingkieñ Umpya ha Shangpung kawa pynyabi wa ka Mynska, ka Khlookynriñ, Myntriang kamjooh leh ka Byrwai hadien wa ka seiñ da yoh ujor ko na ki paidbah wa chong chnong wa da synjor bha kani ka yingkieñ. 

Da em leh i ujor wa da lai ki Truck wa kit palat pood lyngba kani ka yingkieñ wot hadien wa da em i maham neiliang ka chnat PWD heiwa da booh ya ka Signboard hakhmat kani ka yingkieñ.

Kamtæ neiliang ka seiñ da ban joor ko ya ka chnat PWD wow chimkhia ya ini. 

Chooh chooh da ong wa lada chem ya kiwa tyngkheiñ ya ki kyndon wa da booh da ka PWD toh wow pynchitom ya ki katkam ka aiñ.

Related posts

Wa thung ka BJP da ki bru yong hi tæ mih i kynrum kynram ha NEHU: Ronnie

November 15, 2024

Dang jan u lai na Shillong cha Vietnam, Thailand, Laos, Cambodia wa Burma bar cha Delhi: Conrad

November 14, 2024

Ha kani ka jooh ka sngi ki dhot ka KSU Kupli Area Circle da hiar pait ki ya ka yingkieñ Myllep ha chnong Saphai kawa pynyabi ya ka Iawthymme wa ka Saphai. 

Wei kamjooh da chem wa em ko hei maa ya kiwa lai wa wan neibhah wa kit palat pood ki kari heh wa lai na ka. 

Da ong wa lada jia wa waroh 2 tylli ki yingkieñ u dooh ki daw chem chitom ki paidbah wa lai wa wan.

Kamtæ ka seiñ da kyntu ko ya ka chnat PWD wow chimkhia wow leh ya iwa emkaam ya kini ki yingkieñ.