Sñiawkhia ka MPUF ya ka kyndon 128 ADC Rule

Jowai : Ka seiñ Meghalaya Peoples’ United Front da pynap ko yei mynsien wa sñiaw khia hei yatoh wa yohlaad ki baar jylla wow yachim bynta ha ka election District Council hajrong wa da em ka section 128 ADC Rule.

Kani ka kyndon aiñ da ebor ko ya ka ki baar jylla wow yaleh wei wow jied ya kiwa mihkhmat yong ki hapoh ka District Council.

Toh hajrong kani ka nongrim wa lai yachem ka seiñ wa u CEM ka Council heiwa da e leh ya ka dorkhat hei yatoh weini.

“Iwa sñiawsih toh wa u CEM ym yoh por u wow yachem u wa ka seiñ neibynta ka jaitbru, wei hanlada ka seiñ ym em u booh appointment ko leh tangwa emkaam u epor u CEM neibynta i im i yap ka jaitbru” da ong u president ka seiñ u D Laloo. Ya ka dorkhat da booh wa ka secretary yong ka Executive Committee ka JHADC.

Related posts

Hapoh dorbar ym lait ki tang u ang tangwa cha lait pynheh ki kam ki rem dorbar pynksan cha baar, ong u Titos ya ka EC ka VPP

June 26, 2025

Wanrah i ka mang tangka kawa boon dei yoh yei lut | Da pyndam leh ya ki Committee wa pynlut phut: VPP

June 24, 2025

Kamtæ ka seiñ da kyntu ko ya u CEM khamtam ya ka JHADC wow lai yachimbynta ha ka yalang wa da khut da u CEM ka KHADC ryngkat wa ka GHADC ha ka 3 tarik uni u bnai wow yaklam hei yatoh weini.