Jowai: Katkam ka ujor wa da yoh na ka liang ki paidbah da pyntip ki wa em ki jakhlia wa mih na ka Iawpynsiñ kiwa da poi cha u sarok ka wow lai cha ka thaaiñ Larnai, Sohphoh, Thadmusem, Nongkhroh, Bamkamar ter ter, wei kani ka sarok man ko ka sarok kawa boon bha ki bru wa lai nadooh Lad tyrchang chadooh Nongkhroh Bamkamar ter ter.
Kamtæ ki bru wa lai emkaam cha ka thaaiñ leh hap lai ki lyngba ki na uni u sarok kamtæ naka liang yong ka Seng Samla Shnong Sohphoh (SSSS) hadien wa da uoh ujor ko naki paidbah wei wa ka seiñ leh da yoh ko u yoo da ki khmat wa naka liang kiwa toh u pait ya kani ka yaw da noh habra ki yaki jakhlia khlem da pyrkhat de ya kiwa wa lai nakani kani sarok wei da noh ki ha ka thaw kawa khut kam ka Lad Lum Muriap, da booh ko hei ma yaki paidbah neibhah ye ki u yoh kjut neidaw wa sma kani ka thaw wei pyntngit ko ya kani ka thaw neibhah kini ki jakhlia da poi ki hadooh ha surok wa lai kari kamtæ ye ko u wanrah yaki kjut wa ha rukom khamtam yaki paidbah ka thaaiñ kiwa lai miet wei step naka kani ka luti, ye ko wow ktah ia i chait i khiah ki paidbah.
Kamtæ da kyrpaad ya ki bor wa hajrong kiwa toh u pait wow sñiawbha ki u chimkhia yeini wow thooh laad wow noh ya kini ki jakhlia cha ki thaw wa da chna kyrpang wa rap kyllep khnang yow lait ko u wanrah yei chitom ya ki paidbah ka thaaiñ.
Ini toh katkam wa pyntip u President ka Seng Samla Shnong Sohphoh (SSSS) u Pynshngain Kharsahnoh.
Discussion about this post