Ka Synjuk Waheh Chnong East Jaiñtia Hills District ynne dei sñiawkhia ya ki paidbah ka District khamtam ya ki manyung wa duna hei yoh i laa da e dorkhat ko ha u DC ka District heiyatoh wa ini i kaam.
Ha ka dorkhat da pynsñiaw yei wym hun heiyatoh wa ku dor ki marbaam wa kiwi ki mar wa emkaam ha ki dukan dukdoh wa ki yaaw ki haat.
Ka Synjuk da ong ko wa ini i ku dor ki mar da ktah bha i ya ki paidbah wei man iwa yoo wyrai ya ki paidbah khamtam kiwa duna hei khih wa kiwa mylla sngi.
Heiyatoh wa ini da kyrpaad na u DC wow chimkhia yeini wei wow booddien wei u booh kyndon heiyatoh wa ki mar kiwa da dai hapoh ki dukan ka District khnang wow myntoi ki paidbah waroh.
Kini ki mar kynthup ki ya u khoo, chini, dai, atta, mator, piat, sy’iñ, i doh wa kiwi kiwi.
Heijooh i por ka synjuk da e khublei ko ya u DC uwa da kular wow chimkhia ya ini i kaam.
Discussion about this post