15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1
Advertisement ad1
Advertisement ad1
Advertisement ad1

Sñiawkhia kiwa kitkaam ka Saba wa em wa ujor pyrchah ya ki khlem daw

0 Comments

Jowai: U Waheh Chnong wa u Secretary Chnong ka Saba da pynche ki hei chah pahrep ki ha ka chnong Mooshroot.

Da ong ki wa nadooh ka 28.03.16 u Waheh Chnong wa u Secretary wa thymme yong ka chnong u Roming Suchiang wa u Embok Biam ym em phah pynsih ki yei thaw thung u tep yong ki kattu katni ngut ki warep ka chnong Mooshroot kiwa em hapoh u pood u ang ka chnong Saba. Tangwa sñiawsih won ki wow sñiaw wa da em ki warep na ka chnong Mooshroot wa pharep klumar ki ya kiwa yahkhmat ka chnong wei da ujor ki leh cha ki bor ka aiñ i wym em yurim iyi iyi leh.

Chooh chooh da sñiawlyngoh wa katkam ka hukum wa wan na ka yungkrehkaam u Deputy Commissioner West Jaiñtia kawa em tarik 02-08-2017 da phah hajir ko ya kiwa kitkaam ka chnong Saba wow wan mih ki ynne ka sngi khlem booh por wei da pyntip ki leh cha ki pulit ka Nartiang PS wa cha ka Raliang Out Post.

Neiliang kiwa kitkaam ka chnong da chimkhia ki u wan tangwa neiliang ki wa ujor ynne ka sngi ym em wan ki cha kiwa phah hajir u B.J. Kharshandi MCS, Executive Migistrate West Jaiñtia wei neiliang ki pulit leh ym em wa wan.

Neiliang kiwa kitkaam ka chnong Saba da phone ki cha u Waheh Chnong ka Mooshroot uwa da pyntip wa ym tip u iyi iyi leh chaphang ini waroh. Ini da pynlynngoh ko ya ka chnong Saba wei da suba wa em iyi iyi cha lyndet wei kwah ki leh i pynche na ka yungkrehkaam u DC ka West Jaiñtia Hills.

Da kyntu leh ya u DC wa kiwi ki tnat sorkar wa ki bor ka aiñ ymtoh u e laad ki u ujor kulmar ki bru kiwa khlem yurim wei wow pynchitom ya kam kini ki bru wa pynmih kulmar ya ka chong suk chong saiñ.

Share this:
Previous

Ka Behdieñkhlam ka Seiñraij Sohkymphor

Next

Lehwarom ka South West Garo Hills yei dap san snem yong ka