Sñiawkhia u Marki Mulieh yei slah pyndooh bordiñ ka MeECL ha Jowai North Constituency

Jowai: U MDC ka JHADC na Jowai North, u Marki Mulieh da ujor u ha u Deputy Commissioner ka West Jaiñtia Hills yei slah dooh bordiñ ka thaaiñ Jowai North MDC Constituency wa kynthup ya ka Ladthadlaboh, Mihmyntdu, Sabahmuswang wa Pasyih iwa da ktah joor ya ki paidbah.

U Marki da ong u wa da pyndooh bordiñ khlem pyntip chwa ya ki paidbah.

Yeini da chem wot da oo (Marki) chem chitom u wow pyndep ya ki kaam khamtam kiwa emkaam ya ki Computer/Laptop wa kiwi kiwi kiwa emkaam da ki bordiñ.

Da ong u leh wa ini da pyn pynprykhat ko ya oo neibhah kam uwa mihkhmat da chem u kam ini i eh i khoo heiyatoh wa ka bordiñ khamtam ha sor Jowai neibhah da ktah ko leh ya ki khynnah kiwa pynkhreh ya ki exam final yong ki.

Related posts

Ki paidbah pynbor ki ya kiwa mihkhmat wow wan cha ki yalang tangwa chah khñium won lada pynemkaam Siren: Paul

November 18, 2024

Dam noh ka NPP wow kyrchaan ya ka sorkar ka Manipur wa yahkhmat da ka BJP

November 17, 2024

“Iwa phylla dooh toh wa ymtip mynnu wei katwon kynta u pyndooh ya ka bordiñ lada hei step, i sngi namo i janmiet wot hadooh i miet leh,” da ong u Marki.

Da pynbaad u leh wa yoo lakam wa ka MeECL da leh chanam ko wow pyndooh bordiñ, wei i daw kiwa kreh wot wa tip bha yeini.

Kamtæ da kyntu joor u ya ki bor district wa ki bor ka MeECL wow chimkhia hajrong ini.