Sñiawkmen ka Mukhla Nongrim ya ar ngut ki khon ka chnong wa yoh Gold Medal ha ka Meghalaya Games

Ka Dorbar Chnong Mukhla Nongrim da pynsñiaw ko yei kmen ya ki ar ngut ki khon khynroo ka chnong kiwa yoh u wanrah naam ya ka chnong deiwa jop ha ki kyrdan waheh dooh ha kani ka 6^th Meghalaya Games 2025, kitæ u Callten Sari uwa da man uwa jop ha ka kyrdan wa nyngkong hei Rah Moo Khrah.

Da pynsñiaw leh yei kmen ya ka khon khyllood ka Dorbar Chnong Ladmukhla, ka Damika Lyngdoh kawa da wanrah naam rah burom ya ka chnong Mukhla hi waroh kawi kamjooh ya ka District wa yaka jylla deiwa yoh u jop hadooh 4 tylli ki Gold Medal wei yei naam Best Athlete ki kynthai.

Ka dorbar chnong da kyntu ko ya kiwi ki khon khynroo khyllood wow mih ki chakhmat ha ki bynta waphær waphær ki yalehke khnang yow yoh ki yei jop ha kiwon kiwon ki jait yalehke wei kam ka chnong leh smat ko wow ya emlang deiwa wan pyntip phi leh cha ka chnong ya ki jait yalehke wa yaleh phi khnang wow ya embynta lang chirup wa phi.

Kamwa da jooh em ka thong krehkaam yong ka chnong wow kyrsu kyntu wow pynku ya ki kaam yalehke Sporst, da pynchlur leh ya phi ki khon khynroo khyllood ka chnong wow man phi kiwa im sngi wow ya pynlut por ha ki kaam Sports khnang yow ye leh u pyndooh pyndam ya ki ka jait dih pynmuaid wa boon jait kam i kiad, i drugs wa kiwi tawon kiwa man kiwa choon yong ka imlang sahlang.

Related posts

Yow pynkhlan ya ki aiñ ka JHADC yieñ yaleh Election u Rimilan Synnah na Nartiang Wahiajer

January 30, 2025

Le tylli ki soskular wa da ya soi yow pynkhreh sdang tih mooyong noh

January 29, 2025

Ka dorbar chnong ka kitbok kitrwiang ko kini ki ar ngut hei lai luti yong ki kawa dang jngai chakhmat hei yaleh Sports, kawa man leh ka nongmuna wa bha ya kiwi tawon ki khon khynroo ka chnong Mukhla hi waroh kawi, pynkut ka kyrwoh na u General Secretary ka Dorbar Chnong Mukhla Nongrim.