U montri khynnah ka sorkar pyrdi, wa pait ya ka chnat Railways, u Suresh C. Angadi, da khlaad noh u ynnin i miet ha nongbah New Delhi hadien wa yoh COVID-19 u.
Neiliang ka dhab ki montri ka sorkar pyrdi (Cabinet) da pynsñiaw ko yei mynsien wa khia hadien wa khlaad noh uni u montri deiwa ong wa ini man i i dooh wa khroo ya ka ri heiwa da yachem ki lyngba ka Video Conference hapoh i yahkhmat u Prime Minister u Narendra Modi yow pynman yei suki kiaw wa 2 minit yow kynmoo warom ya u Angadi.
Ya u Suresh da kha ha ka 1 Naiynru 1955 ha KK Koppa, Belagavi District, wei da pyndep u ya ka Graduation na S.S.S. Samithi College, Belagavi wei neitæ da pyndep u ya ka LLB na Raja Lakhamgouda Law College, Belagavi.
Da man u kam u dkhot ka Bhartiya Janata Party, wei da jooh man u leh kam u Vice-President ka Party ha Belagavi District Unit hadooh u 1996 wei kamtæ ter ter.
Da chah jied u kam u MP ha ka 14th Lok Sabha wei da chah jied biang u na Belagavi ha u 2009, 2014 wa 2019.
Da man u kam u dkhot ka Standing Committee on Food, Consumer Affairs and Public Distribution; Human Resources Development and Defence kamjooh leh u Member ka Consultative Committee, Ministry of Finance.
Da jooh man u leh kam u dkhot ka Joint Committee on Pension, Salaries and Allowances for Members of Parliament, ka Advisory Committee on Central Direct Taxes, House Committee and the Committee on Petitions.
Ha u Naisan yong u 2019, u Angadi da man u kam u Minister of State for Railways.
Da embynta u ha kiwa boon ki kaam wa yatoh waka imlang sahlang deiwa ka-it bha u heiyatoh wa ki karkhana, ki kaam rep wei wow e thaw puræ ya kiwa dooh. Da man u leh kam u Chairman ka Suresh Angadi Education Foundation, Belgaum nadooh u 2009. Man u leh uwa ka-it wow puræ kot wei wow lai uiñ suwari.
Ka Cabinet da pynsñiaw ko leh yei mynsien sñiawlem cha kiwa ya yung yong oo neibynta ka sorkar waka ri waroh kawi.
