Ka chnong Lumshken kawa em hapoh East Jaiñtia Hills District Meghalaya da sñiawngooh ko ya kiwa mihkhmat yong ka thaaiñ wa da yoo ki yei eh yong ki khon yong ka chnong na i daw wa em ka Lockdown, kamtæ da i sñiawkhia da e yarap sñiawbha ki da u khoo cha ka chnong.
Ka chnong da pyntip ko leh wa neiliang yong u MLA u Kyrmen Shylla da e u 60 churia u khoo wei heijooh i por neiliang u MDC u Dr. Sankey Shangpung won da e u 35 churia u khoo.
Da pdiang sñiawbha leh ya ki yarap yong kiwa mihkhmat paidbah da u waheh chnong u Khambha Bareh uwa da pynsñiaw leh yei mynsien wa kmen heiwa da yoo u wa kiwa mikhmat yong i em sakhiat ki ya itæ i mynsien sñiawkhia ha kam kini ki por Lockdown wa ki khon yong ka chnong da chem chitom ki.
Kamtæ kam ka chnong hi waroh kawi da sñiaw toh ki wow e yei kyrkhu kyrdoh yaki khnang wa ki leh u dang ye chooh chooh wow e yei chakri kawa bha.
Discussion about this post