15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1
Advertisement ad1

Da pynsangeh noh yaka Behdieñkhlam ka Chyrmang yong uni u snem 2020

0 Comments

Ka Seiñ Raij Kong Wasan Chyrmang Kmai kawa haap hapoh ka West Jaiñtia Hills District da chim ko yaka rai wow pynsangeh ko yaka lehniam Behdeiñkhlam yong u snem 2020.

Kam wow pynkynmoo wa yaka lehniam Behdieñkhlam kawa da jooh sdang nyngkong hapoh ka ri-loom Jaiñtia man ka snem toh daka Sieñ Raij Chyrmang. Heiwa yaka leh niam Behdieñkhlam ha uni u snem toh kawa da mut wow pynman nyngkong haka 23-24-25 u April, 2020 katkam wa da pynbait lang haka Dorbar Soolyngdoh kawa man haka madan Lariang.

Advertisement ad1

Tangwa neidaw wa em ka kjut khlam COVID-19, ka Sein Raij Chyrmang da chong pyrkhat biang ko wow leh noh yaka Behdieñkhlam haka 1-2-3 tarik uni u bnai May tangwa neidaw wa pteiñ ka sorkar pyrdi yaka Lockdown, kamtæ ka Seiñ Raij da chim ko yaka rai wow pynsangeh noh yaka leh niam Behdieñkhlam ha uni u snem 2020. Hanla hei sakhiat ka leh niam Behdeiñkhlam man ko wa wow yaleh pyrchah ya i kjut khlam khamtam ha kini ki por wada em kani ka khlam COVID-19 hapoh ka ri yong i.

Tangwa deiwa burom yaki hukum waki aiñ sorkar kawa da khang pyrchah ko wow pynman yaki yalang yong niam namo ki leh niam paidbah ha waroh ki jait niam hapoh ka ri India. Kamjooh da khang leh wow wow yachem paidbah chiboon ngut ha iwon iwon i thaw da chim yaka rai wow pynsangeh yaka lehniam ha uni u snem.

Neiliang yong ka Seiñ Raij Kongwasan Chyrmang Kmai ym em u tiensar ko wa dang em ki Blaichnong Blai Riaj, ki Ryngkaw, ki Samon, ka Beiduwan wa da e yaki ka ngooh ka dem ha waroh liang wanang ki wow da wow kær nadooh i chait i khiah, ki wow chare u kune ki Blai yaki khon ka Seiñ Raij waroh nadooh ki khynnah waki waheh, ki kmai yung, kmai sem, Ki manbei manpa kamjooh leh heiliang i puræ puthi wow nang ku chakhmat wei wa neiliang i rep i riang leh wow man i iwa dap iwa biang, dap snem, dap bnai wow lait na u slap ka laær kam ha kini ki por wa em kani ka kjut khlam COVID-19 wa ki Blai Chnong, Blai Raij ki wow khang wow kah, u kynjat, u kyntiñ ya kani ka kjut khlam cha wasoo, cha wasep ka sngi napoh ka chnong napoh ka Raij yong i yow yoh yei chait yei khiah iwa eh wa tram.

Ka Wyrta na u K. Lakiang, General Secretary ka Seiñ Raij Chyrmang.

Previous
Next

0 Comments

Leave a Reply