Jowai: Ka Dorbar Chnong Khliehmyntriang da e ko i sñiawngooh ya u MLA ka thaaiñ uwa man leh u montri ka sorkar jylla, u Kyrmen Shylla uwa da wan saam khoo ynne ka sngi ha ka chnong khamtam kam heini i por wa em ka Lockdown heiwa ym yoh de ki bru u lai khih lai kreh.
Neiliang ka chnong lyngba u Waheh Chnong yong ka, u Pleit Dkhor da kitbok ko ya u Kyrmen Shylla wow yoh u yei doh i pran wa khlan khnang wow ye u wow e i chakri ya ki paidbah ka Constituency wa ka jylla.
Neiliang ka Dorbar Chnong Pamra Kmaichnong, East Jaiñtia Hills District da pynsñiaw ko yei sñiawngooh ya kiwa da dep yarap ya ki manyung ka chnong nadooh u MLA ka thaaiñ, u Kyrmen Shylla, ka seiñ Jaiñtia Student Movement (JSM), Meghalaya People United Front (MPUF), Jaiñtia Hills Development Society (JHDS), Ram Krishna Mission kiwa da yoo yei chitom ki paidbah ka chnong ha kam kani ka por Lockdown deiwa e yarap da u khoo cha ki manyung wa emkaam yarap.
Ya ini i yarap da pdiang sñiawbha da ka Dorbar Chnong, wei neiliang ka Chnong da pynsñiaw ko yei burom wa i sñiawngooh ya kiwa yarap kat i bor wa ye wa lah yong ki deiwa kitbok leh ya kini waroh.
Kani toh katkam ka Wyrta na u Waheh Chnong, u L.M. Shylla wa u Secretary Chnong, u Tbn. I.K. Rymbai.
Discussion about this post