Jowai: U Deputy Commissioner, Supply, West Jaiñtia Hills da hukum u ya waroh ki dukan Fair Price Shop namo ki dukan rachon wow bood pynrkhiñ bha ya ki kyndon aiñ kiwa em hapoh ka NFSA 2013 wei kamjooh iwa phah da ka Health and Family Welfare Department.
U Deputy Commissioner da pyntip u wa ya kani ka hukum da pynmih neidaw wa da yoh yutip wa em ki kattu katni ki dukan dai rachon ki wym em bood ya ki kyndon aiñ kiwa haap hapoh ka NFSA 2013 lane ya ka hukum neibynta wow saam ya u khoo wa u dai kiwa haap hapoh ka PMGKAY Scheme wei ya iwa phah leh da ka Department of Health and Family Welfare.
Ki kyndon wa i phah ya ki Fair Price Shop (dukan rachon) wa toh u bood ki man i kamni ha wah:
I por wai ya ki dukan rachon toh nadooh 9:00 waje i step hadooh 4:00 waje i janmiet man ka sngi.
I rukom saam wa i dor wow saam cha kiwa baam rachon man ki kamni ha wah:
- U khoo Antyodaya Anna Yojna (AAY) ha i thaw khia wa 35 kilo kawi ka AAY Card ha i dor T.3 chi kilo neibynta kiwa em ha sor wa cha palatsor.
- U khoo Priority House Hold (PHH) ha i thaw khia wa 5 kilo chi khlieh bru chibnai ha i dor wa T. 3 chi kilo naka bynta kiwa em ha sor wa cha palatsor.
- U khoo Non-NFSA deiwa thaw khia 7.215 kilo kawi ka Card ha i dor wa da booh da ka Vigilance Committee i wym toh u palat ya ka T. 13 chi kilo neibynta kiwa em ha sor wa cha palatsor.
Ka PMGKAY Scheme neibynta u bnai April, May wa u June, 2020
- U khoo Additional Antyodaya Anna Yojna (AAY) deiwa thaw iwa 5 kilo chi khlieh bru chibnai uwa toh u wow e mynkna khlem da su dor.
- U khoo Additional Priority House Hold (PHH) ha i thaw khia wa 5 kilo chi khlieh bru chibnai uwa toh u e mynkna khlem da hap su dor.
- U Dai (Masoor Dal) uwa 1kg chi yung chi bnai du neibynta ki manyung AAY wa PHH uwa e mynkna khlem hap wow su dor.
I phah yong ka Health and Family Welfare Department
- Wow yajngai ym duna yaka chi metre uwi na uwi
- Wow tymmoh yei ktien wa i khmut deiwa deiñ yaki that tymmoh khmat
- Ym toh wow mynthu kulmar ha ki thaw paidbah
- Toh u sait yaki kti haka um wa tooid da i sabon
Discussion about this post