Jowai : Ka KSU Lumshnong Unit lyngba ka khubor wada pyllait da u Secretary ka KSU Lumshnong, u Shaphrang Pynkhlong da pynsniaw ko yei yaroh ya u montri rangbah ka jylla u Dr. Mukul Sangma wa daw booh yaki ar tylli ki Police Station ha ri Loom Jaiñtia kawi ha Nartiang West Jaiñtia wa kawi ha ka chnong Loomchnong East Jaiñtia Hills.
“I booh ya kani ka Police Station kyrmen wow man ko i kyrkhu wa khroo yaka chnong wa yaka thaiñ waroh kawi neibynta wow pynduna ya ki kaam sih ha ka thaiñ” da ong ka KSU.
Ka thaiñ kmen ko u e thaw mynkna yow chna Office kam ya ka Health kynthup lang wa ka Sub Center, PHC, Soil & Water Conservation, Police, MeSEB, Cooperative Society, GREF nadooh nachwa wa ya kiwi kiwi ki ophis sorkar. Da kyntu ka seiñ leh wow booh noh sa ka office Block Development Department, Veterinary Department, PHE neibynta ki paidbah yei roi i paar.
Heijooh u por leh naka liang ka KSU da kyntu ko leh yaka Sorkar wow booh sa yaka Police Out Post ha Block 1, kawa man kawi naki mat waka KSU da jooh dawa ko na ka Sorkar.
Discussion about this post