Jowai: Ki paidbah wa boon ynne ka sngi da wan ki cha ka yalang paidbah u Paia Dhar wa pynman ha Wahiajer.
U Paia Dhar toh u kyrtong ka NPP naka 5-Mukhla Wahiajer Constituency, wei da emlang leh ha kani ka sngi u Sniawbhalang Dhar u montri ka sorkar Meghalaya, uwa hei klam yong oo da ong u ka chnong Wahiajer toh ka chnong kawa tipmit da waroh hapoh Meghalaya neibhah da pynmih ko 4 ngut ki MLA kamjooh yaki MDC wei wa hakani ka kynti ym artatien de u yoh biang u pynmih MDC.
Chooh chooh da ong u leh wa ym artatien wa ka NPP daw yoh ko u chna sorkar ha JHADC.
Neiliang u kyrtong ka NPP u Paia Dhar da kyrpaad u ya kiwa chong chnong ka Constituency u wow sñiawbha ki wow pynjop ya oo ha kani ka kynti yow yoh wow kreh bha yaka Constituency.
Kiwa kyrchaan ya u Paia Dhar da ong ki wa i boon i wan mih ki paidbah cha kani ka yalang pynyoo ko wa daw poi cha i jop ya u Paia Dhar.
Discussion about this post