Jowai: U Conrad Sangma, hadien wa dep pynman u ya ka yalang ha Guwahati ini wa dep deiwa khutlang ya waroh ki heh ki seiñ saiñ pyrthai ha Guwahati, Assam da ksoh u yei kular wow yahkhmat wow yachem wa ki montri ka sorkar pyrdi heiwa h ka 3 tarik deilang wa kiwa yahkhmat ka AGP da poi ki ha Delhi wei da yoh ki leh yei kyrchaan na ki lok ka NDA kam ka Shiv Sena, JD (U) wa kiwi kiwi wei da yachem ki wa u Union Home Minister u Rajnath Singh ynne ka sngi.
“Ha ka yachem wa u montri da pynsñiaw i yei tieñ ki paidbah ka thaaiñ mihsngi wei da yoh i yei jubab wa biang neiliang u montri,” da khana u Conrad.
U Conrad da pyntip u leh wa u Home Minister u kynmoo u yei sñiaw ki paaid ka thaaiñ mihsngi. Chooh chooh da ong u wa kani ka aiñ toh kawa emkaam ha ri iwa da pysñiaw da u Home Minister.
U Conrad da yooluti u leh wa ya kani ka Bill daw pyndam ya ka da u Home Minister neidaw wa oo daw chong yaklam biang u sa chisien ya kani ka Bill wa kiwi kiwi ki seiñ, ki seiñ saiñ pyrthai kamjooh kiwa mihkhamt yong ki.
U Conrad da pyntip u leh wa u Rajnath pyrkhat hi u ya ka thaaiñ mihsngi kawa khian paaid.
“I yooluti i wa waroh ini i leh i daw mih soh i,” ong u Conrad deiwa pynrap leh wa i pyrchah ya ka Bill u pteiñ hi ki.
Kiwi de kiwa em ha kani ka yalang toh AGP President u Atul Bora, Ex-Assam Chief Minister u Prafulla Kumar Mahanta deilang wa ki heh ka AGP kam u Keshav Mahanta, Phanibhusan Chaudhary wa u Birendra Prasad Baishya.
Discussion about this post