Ka sorkar jylla yong ka Arunachal Pradesh wa ka Assam kam chibynta wow pynbait ya u pood u ang hapyrdi kini ki ar jylla ha kani ka 15 tarik uni u bnai da soi ki ya ka soskular wa tip kam ka ‘Namsai Declaration’.
Ya kani ka soskular da soi hadien ka yalang hapyrdi ki ar ngut ki montri rangbah kiwa kynthup ya u Pema Khandu na ka Arunachal Pradesh katwa ya ka Assam won da u Himanta Biswa Sarma.
Katkam kani ka soskular da rai wow pynduna ya ki chnong wa em hapyrdi i kajia ha khappood cha ki 86 tylli na ki 123 tylli.
U Himanta da ong u wa ym slem de daw ye wow pynbait noh ya i kajia pood hapyrdi ki ar jylla.
Heiyatoh wa i kajia pood hapyrdi ki ar jylla da chna hadooh 12 tylli ki Regional Committee ki wow sylli ya i man i long ha khappood wei wow yaklam wa kiwa chong chnong khnang wow ye won u rah cha ka yalang ki montri rangbah.
