Ka soskular namo ka Memorandum of Understanding ya kawa tip kam ka Framework for Strategic Partnership hapyrdi ki dkhot (ri) ka International Energy Agency (IEA) wa ka sorkar India da soi ya ka ynne ka sngi wow pynkhlan yei chaniah, wa i yakrehlang heiyatoh wa i pynmih bordiñ ha ka pyrthai wei deiwa soi ya kani ka soskular ka India daw ye ko u man ka dkhot wa pura (Full Member) ka IEA.
Ya kani ka soskular da soi da u Sanjiv Nandan Sahai, Secretary (Power) neibynta ka sorkar India katwa neiliang ka IEA won da soi da u Dr. Fatih Birol uwa man kam u IEA Executive Director yong ka.
Ki kyndon yong kani ka soskular da rai lang da ki dkhot ka IEA wa ka India iwa kynthup yei myntoi wa i kaamram ka ri kam ka lok wa yajan (Strategic Partner) ka IEA, wow kreh katkam ki kyndon ka Clean Energy Transitions Programme (CETP) wa kiwi kiwi.
Ka Secretariat yong ka IEA u bahkhlieh ko ya ki kaam wa da leh wa ka India wei wow wanrah yei yaklam hapyrdi ki dkhot ka IEA heiyatoh wa ini i kaam pynbiang bordiñ deiwa pynemkaam ya ki bor ka rymaw deiwa yada leh ya ka kamjooh.
Kam wow pynkynmoo heini, ka India angnood wei pynchlur ko yei yakrehlang wa kiwi ki ri neipor cheipor heiyatoh wa i kaam pynmih bordiñ wei ini leh man i kam chibynta yong itæ hi.
