Ka sorkar India da soi soskular ko waka Asian Development Bank (ADB) ynne ka sngi neibynta $4.5 Million kam chibynta ka Project Readiness Financing (PRF) kawa man ka ram wow kyrchaan poisa yow chna ya ki kaam wow pynsuk yei lai i wan ha sor Aizawl kawa man leh ka nongbah ka jylla Mizoram.
Neiliang ka sorkar India da soi ya ka soskular da u Rajat Kumar Mishra, Additional Secretary, Department of Economic Affairs, wa em hapoh ka Ministry of Finance yow chna ya ka Sustainable Urban Transport Project ha Aizawl, katwa neiliang ka ADB da soi da u Takeo Konishi, Country Director ka ADB India Resident Mission.
Hadien wa soi ya ka soskular, u Mishra da ong u wa ka PRF u kyrchaan ko kammon wow wanrah ya ki kaam yow pynsuk yei lai i wan hapoh sor deiwa pyrkhat yei long i man ka rymaw wei wow yohlang ki kynthai wow embynta lang.
I khynnia ka Aizawl toh iwa da wanrah neidaw wa heh wa san ka sor khlem da em i pyrkhat jngai iwa da pynman ya ki sarok wow man ki kiwa khian kamjooh ym em de i chngaaiñ hei lai i wan wei i smat wow poi thaw.
Kamtæ lyngba ka PRF daw wanrah yei thooh bniah deiyi wow chna yow wanrah yow suk i lai i wan.
Ka ADB toh kawa da kreh yow wanrah yei roi i paar hapoh Asia-Pacific, deiwa pyndooh jait leh yei dooh i duk wei da seiñ ya ka ha u snem 1966, wei da mantre ya ka da 68 ngut kiwa na ki 49 tylli ki thaw ka Asia-Pacific.