Ka jylla Meghalaya da tia ko chaphrang wow pynyatoh ya ki warep wa ki karkhana na baar ri wow pynpawnaam ya ki mar yong ki wei wow pynpoi ya ki cha baar ri.
Ka sorkar jylla Meghalaya da ya krehlang ko wa kiwi ki chnat kamjooh ki karkhana na baar ri kam ka Apeda waka Lulu Group ha ki snem wa dadep khnang wow ye u pynlai ya ki mar cha kiwa heh ki yaaw wa em cha baar ri.
Da ye leh u pynpawnaam ya u Khontara namo u Meghalaya Khasi Mandarin wa u Satrooin (Kew Pineapple) ha ki yaaw ha thaaiñ Middle East.
Chooh chooh ka sorkar jylla da ye ko u chalan ya u chyrmit Lakadong wa u Sy’iñ cha Europe.
Kam chibynta wow pteiñ yeini yow pynku yei kamai ki warep, ka Agriculture Marketing Board of Meghalaya da soi soskular Memorandum of Understanding (MoU) waka Lulu Group, hapoh ka Apeda yong ka Ministry of Agriculture and Farmers’ Welfare ka sorkar pyrdi wow pynku ya i dai ya ki mar rep ha ki ri ka Gulf Cooperation Council.
Discussion about this post