Ka chnat ka United Liberation Front of Asom (ULFA) kawa da bien u wan chakhmat yow yaklam yasuk, ynne da ya soi ko yaka suskular wa tip kam ka Memorandum of Settlement wow yasuk hapyrdi ka sorkar pyrdi waka sorkar Assam ha ka yalang wa da pynman ha Delhi deiwa emlang u Home Minister ka ri, u Amit Shah wa u Chief Minister ka Assam, u Himanta Biswa Sarma.
Deiwa soi ya kani ka soskular, ka ULFA da mynjur ko wow dam noh ya ki kaam pynmynsoo wei pynmih snaam deiwa psiah biang cha ka imlang sahlang.
Ka sorkar da yaklam ko wa kani ka chnat ka ULFA la 12 snem kawa da yahkhmat da u Arabinda Rajkhowa wei ini i ya soi soskular daw poi noh cha wakut i 10 snem i yaleh.
Ka chnat ULFA wa yahkhmat da u Paresh Baruah won ym embynta ko ha kani ka ya soi suskular yow yasuk noh wei u Baruah da suba toh uwa im katni ha khappood ka China-Myanmar.
Ka ULFA toh kawa da seiñ ha u snem 1979 yow paan laitlooid ya ka Assam wei da kheiñ ka sorkar ya kani ka seiñ kam kawa man pyrchah aiñ ha u snem 1990 hadien wa leh ki boon ki kaam wa pynmih yei mynsoo mynsnaam.
Ka chnat ULFA wa yahkhmat da u Rajkhowa da sdang ko wow yaklam yasuk ha ka 03-09-11 deiwa soi chwa yaka suskular Suspension of Operations (SoO) kawa da ya soi lang waka sorkar pyrdi deilang ka sorkar jylla.
Discussion about this post