Kam chibynta wow pynyajan ya ka Upper Assam waka Dispur kawa man ka nongbah ka Assam, u Chief Minister ka Assam u Himanta Biswa Sarma ynnin da wai u ya ka Chief Minister’s Secretariat ha sorbah Dibrugarh.
Kani ka CM’S Secretariat ha Dibrugarh man ko kawa nyngkong dooh wa em cha baar ka nongbah ka jylla yow chakri ko ya ki paidbah ka Upper Assam.
Ka CM’S Secretariat ha Dibrugarh daw pynsuk ko yei chakri paidbah khamtam ya ki 7.9 Million ngut kiwa em ha ka thaw wa heh 21,264 square km ka Upper Assam kam ka Dibrugarh, Tinsukia, Lakhimpur, Dhemaji, Sivasagar, Charaideo, Majuli, Jorhat wa ka Golaghat District.
U Chief Minister u pynlut por u 4 sngi chi bnai ha kani ka Chief Minister’s Secretariat ha Dibrugarh.
Hawa wai ya kani ka yung krehkaam u Himanta Biswa Sarma da ong u wa da man ko ka sngi wow sahkynmoo ya ka Assam neibhah wa da ye u wai ya ka yung krehkaam u Chief Minister cha baar ka nongbah.
Da ong u wa kani ka Secretariat toh ka wow pynyajan i chakri cha ki paidbah yeiwa da angnood da slem bha.
Ka thong yong kani ka CM Secretariat ha Dibrugarh toh wow suk u booddien ya ki Scheme ka sorkar jylla kamjooh yong ka sorkar pyrdi kamjooh leh wow ye u chna ya ki Policy katkam wa dawa i por wa ka thaaiñ.
Yesterday was a momentous day
— Himanta Biswa Sarma (@himantabiswa) September 7, 2024For the first time the Chief Minister's Secretariat has been established outside the capital, in Dibrugarh
Highlights | September 6 pic.twitter.com/M9cbk9Ks67
Discussion about this post