Soo tylli ki masi kit kiwa chalan tooh hapoh ka kari Maruti

Ha ka 23 tarik uni u bnai, ki chipai ka BSF Meghalaya da yoh ki wow khanglaad yei khayi tooh ya ki masi deilang wa u rasun wa da emkti ki le ngut ki nong India.

Uni u rasun toh uwa da chongdor Rs. 6 lak wei da thmu wow leh yeini ha khappood ka East Khasi Hills waka Bangladesh deiwa kit da kawi ka kari Pick-up.

Ya ki masi da yoh wow kem da ki 193rd Bn ki BSF wei ya kini ki masi wa em soo tylli da kit hapoh kawi ka Maruti 800 wa em Number ML-10-8979 wei da e kti ya kini cha ki pulit ka Dangar Police Outpost.

Ya u rasun da yoh wow kem da ki chipai ka 110th Bn BSF na kawi ka Bolero Pickup ha khappood ka East Khasi Hills wei kiwa yah kari ym ye ki wow pynyoo kiwon kiwon ki kot ki sla ya uni u mar wa kit ki, kamtæ da e kti cha ki bru ka Customs yow leh ki yeiwa emkaam.

Ha ka 25 tarik won, ki BSF ka 4^th Battalion da yoh ki wow kem 12 synduk i dawai biah khmat wa pyrtuid Skin Shine kiwa chongdor Rs.12 lak kiwa da murieh ha iwi i khloo wei da e kti noh ya kini cha ka Customs Office ha Pynursla.

Related posts

5 snem phah kset ka yung bichaar ya uwa sikai skur uwa tba khlem akor ya u khynnah heipor wa lai Tuition

January 15, 2026

Na Tluh yoh ki pulit ka East Jaiñtia ya ka kari wa chah thooh na Mizoram kawa tyrwa dai ha Facebook

January 12, 2026

Ha ka 22 tarik leh da yoh biang u kem dawai biah khmat da ki 193^rd Battalion ki BSF kiwa kit da kawi ka kari Pick-Up kiwa chondor Rs. 16 lak deilang leh ki marbaam wa i kiad na khappood ka East Khasi Hills.

Ha ka 23 tarik won da yoh wow kem ya 27 tylli ki masi da ki 4^th Battalion BSF kiwa da em wa thmu wow chalan tooh cha Bangladesh na khappood ka West Jaiñtia Hills wei ya kini da e kti cha ki pulit ka Muktapur PPP.