Ka Meghalaya High Court da pyndam ko ya ka FIR pyrchah ya ki 6 ngut kiwa na Uttar Pradesh kiwa leh pynsih ya kawi ka Homestay ha Shillong.
Ya ka FIR da ujor ha Laitumkhrah Police Station ha ka 11 tarik u July 2026 hadien wa chah leh pynsih ka Homestay ha kini ki bru wa wan uiñke ha Shillong wei da kem ya ki ha West Bengal.
Hadien wa klam yasuk wa ki tre ka Homestay, da bait wow su ki Rs. 2.06 lak deiwa e leh ya i paan maap kamtæ ki tre ka Homestay da pdiang ki wow pyndam noh ya ka FIR heiwa da pynngat ya ki hapoh ka Section 351(3), 324(3) wa 3(5) yong ka Bharatiya Nyaya Sanhita (BNS).
Ka High Court da phah ko leh ya ki 2 ngut wow su ki mar Rs. 25,000 wei wow kreh kaam bhalang (Community Service) 6 sngi ha Shillong.
Kam wow kdaw heini ki 6 ngut da wan ki ha Shillong ha u July wei da sah ki ha i Homestay wa em ha Risa Colony, Shillong heiwa da tympiah ki ya ki chuki ki ben, da prai ki ha ki Sink, da mynthu pathi ki hapoh kamra, da pynpai thlu ki ya i chram wei da pyntngit ki leh ya ki yusiang pyllong najrong wa noh jhep ki cha khyndaw.
Kini ki bru da wan yah lok ki leh chapoh ka kamra ki wei da dih kiad wei dih sikret ki hawa ym chah u leh kamni.
Puræ leh: Yoh kem ki pulit ya kiwa na UP kiwa leh pynsih ya ka Homestay wa em ha Shillong
Discussion about this post