Ki pulit ka Meghalaya deiwa yaraplang ki pulit ka West Bengal, da yoh ki wow kem noh ya 6 ngut kiwa emkti wow pynpiah pynpra wei leh khiar ya kawi ka Homestay kawa em ha Risa Colony, Shillong.
Na kini ki 6 ngut, le ngut toh kiwa dang hapoh 18 snem i rta.
U SP ka East Khasi Hills, u Vivek Syiem da khana u wa ynne ka sngi da kem ya kini kiwa na Uttar Pradesh na Alipurduar District ka West Bengal kawa dang haap hapoh ka Samuktala PS wa kynthup ya u Vikash Singh, u Avinash Singh, u Akan Pratap Singh wa ki wym em pynmih pyrtuid toh kiwa dang hapoh 18 snem.
Ya kini da yoh wow kem ynne i janmiet heipor kamwa 4:00 waje heiwa ya kiwa dang hapoh 18 snem da thap cha Juvenile Justice Board wei ka takit dang lai ko chakhmat.
Kani ka Homestay toh kawa dang thymme bha kawa e pyrtuid The Oakwood wei man ko leh kam ka Airbnb.
Katkam ka FIR, kini ki bru da yahlang ki wa ki bru wym chah u psiah chapoh, da dih kiad ki, da dih sikret ki leh hawa ym chah wow leh yeini.
Hawa khang u leh ki yeini da tba kti pathan ki ya kiwa kreh chwa wow yut ki tangwa dadep ki wow leh pynsih ya ki kamra kamjooh wow pyntaroi hadooh wow piah leh i chram.
Da chah pynnat ki ha ki kyndon wa leh pynsih yei thaw i bhaw ki bru wei maham bru.
Discussion about this post