U MP ka Diphu (ST) Constituency, u Amarsing Tisso, da chim u yei bahkhlieh wow su yei bai sumaar ka khynnah khonswet kawa dang chi snem chiteiñ kawa tip kam ka Siba Shadap, kawa na chnong Madan Myn-ih kawa dang chah sumaar ha Diphu Medical College & Hospital (DMCH).
Ka Siba Shadap toh ka khon ka (L) Kajrot Shadap wa u That Larom, wei da dooh noh ko ya ka bei ko heipor wa dang 7 bnai wei katni da pait ya ka da ka beipun ko heiwa u pa ko da yoh kurim u chawi.
Ha ka 24 tarik uni u bnai heipor wa wan u MP cha ka West Karbi Anglong District Hospital, Hamren, da tip u chaphang ka Siba, kamtæ deiwa yoo wyrai, da phah u wow kit ya ka cha ka Diphu Medical College & Hospital yow yoh yei sumaar wa miat wei da kular u leh wow bahkhlieh yei bai lutsan.
Hadien ini wa pynbna u MP, neiliang u Pynshngainlang Rattane, Education Board Chairman, Rongkhang Development Block, KAAC uwa man leh u President ka United Khasi People’s Organisation Karbi Anglong Central Committee, da lai u wow li booh ya ini i khynnah wei wow e yarap hadooh wa pyndep yei sumaar ko.
Neiliang u MP da wan u leh cha Diphu Medical College & Hospital yow pait yei long i man ka Siba heiwa da kyntu u ya ki Doctor wa ki Nurse wow sumaar kyrpang ya ka heiwa da su u leh ka bai sumaar.
Kani ka khynnah da man ko kawa tlot neidaw wym em biang baam.
Discussion about this post