Ka sorkar Meghalaya dang pait ko lada em wa sahkut hadien wa chlai-um ha Nepal, wei yeini da ong u Deputy Chief Minister uwa pait leh ya ka Home Department, u Prestone Tynsong.
Da ong u leh wa ympu em yoh yutip lada em kiwa napoh ka jylla heipor wa jia i chlai-um ha Nepal deiwa pynsñiaw leh yei sñiawkhia yeiwa yap ki bru ha katai ka ri.
Chooh chooh da ong u wa dadep phah ya u Chief Secretary wa ka DGP wow pait lada em kiwa na Meghalaya kiwa em ha katai ka ri wei hadooh katni ym em yoh yutip iwon iwon.
Hajrong lada ka sorkar da man ko kawa da khreh lada jia iwon iwon ha jylla, da ong u wa ka Meghalaya da man ko kawa da pynkhreh neibynta iwon iwon lada ha jylla næ cha kiwi ki bynta ka ri.
Heiyatoh wa i chlai-um langær ha Jorabat manda slap, u Prestone da ong u wa ini i bynta haap i hapoh ka NHAI wei ymtoh hapoh i pait ka Public Works Department deiwa pynrap wa da phah ya ki sahep ka NHAI wow pynman yei sorjamin wa bñiah wei wow leh yeiwa emkaam.
Discussion about this post