15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt

Chah pynbaad wa sih ki EVM toh du heipor wa jop ka BJP donhi wei manda jop da kiwi ym em wa ong: Shibun Lyngdoh

0 Comments

Shillong: U President ka Bharatya Janata Party (BJP) Meghalaya, u Shibun Lyngdoh da ong u wa Montri Rangbahdooh ka ri, u Narendra Modi em u chiboon i thmu neibynta i miat ki paidbah ka jylla Meghalaya, wei katkam wa sñiaw u Modi, ki jylla ka thaiñ mihsngi ym pu em poi kyrdan ki ha ka roi ka paar hawa nujor wa kiwi ki jylla ha ka ri India.

Hei yatoh wa i wan ki Montri ka BJP cha ka jylla wa i pynkhreh ya i wan u Narendra Modi, u Shibun da ong u, “I wan yong u Modi toh wow ktik ya kiwa boon, wei ka BJP ka kwah ko wa kiwa yahkhmat ka Party wow wan ki man i por neibhah ka BJP man ko kawa dang thymme ha kani ka jylla.”

Da ong u leh wa ki paidbah, ki kwah ki yei kylla ha i roi i paar wei ki toh u sñiawthooh ki wa ka BJP kreh ko neibynta ka roi ka paar wei ye ko u wanrah yei kylla, ini da yoo du nei wan psiah kiwa boon cha ka Party neibhah kwah ki yei kylla.

“Dang em ki kattu katni kiwa kwah u wan psiah cha ka party, tangwa daw wan ki hadien,” da ong u.

Hajrong i mih i pynbaad wa ym em biang i rukom krehkaam ki EVM, da ong u ini toh i pynbaad khlem yurim yong kiwi ki party.

“Hawa ka AAP jop ko, ka ong ko wa ki EVM toh kiwa bha, hawa ka Congress ka jop ko ha Punjab ong ki wa ki EVM bha ki, tangwa manda jop ka BJP ong ki wa ki EVM toh kiwa sih.” ong u heh ka BJP.

Share this:
Previous

Suba ka KSU-JHDU wa emkti ki wa kreh pynyoh Aadhaar wa u Nepali wa e RC cha ki baar jylla yow pynyoh Aadhaar

Next

Ha ka Pre-Quarter Final chah pynrem ka Meghalaya ha ka J&K