15 49.0138 8.38624 1 0 4000 1 https://wyrta.com 300 0

Suba ki 3 seiñ wa em i baamtooh wa joor yaka Auction Challan

0 Comments
Advertisement ad1

Jowai: Ki 3 tylli ki seiñbhalang napoh Ri-loom Jaiñtia kiwa kynthup yaka EJNC-Central Executive Council, HANM- East Jaintia Hills, JSM-Central Body, da pynsñiaw ki yei sñiawphylla kawa khroo hadien wa yachem ki wa u DC ka EJH haka 29-08-19 yow pyrchah yei syad dor ka Auction Challan.

U DC ha katai ka sngi da kular u wow khut hajir ya u Erantis Sympli wow yaklam hajrong i ujor ki 3 seiñ wa u DC, tangwa hadooh katni ym pu yoh yutip iyi iyi wa leh u DC hajrong ini heiwa hei yong sakhiat ka yung krehkaam u DC toh u pyntip ko cha ki 3 seiñ ya iyi wa da leh hajrong katai ka phang wei hadooh katni i dai yaka Challan dang lai bait ko.

Advertisement ad1

Neiliang yong kiwa yahkhmat da suba joor ki wa em ka baamtooh kawa joor bha cha kylla wow pynlai yaw ya ka Auction Challan deiwa dai ha i dor wa syad, ha i yong sakhiat ya kani ka Challan da pyllait du neibynta wow kit ya u mooyong wa ym em tre uwa em kamwa 38,600 Metric Tone uwa em haki 5 tylli ki thaw wa kynthup yaka Wah U Khlot, Kairang, Bri Mynso, Bri Shadap, Wah Rapasa wa ki thaaiñ 4 Kilo, ong u Ency Shadap President HANM – EJH.

Hajrong kani ka yurim, ynne ka sngi kiwa yahkhmat yong ki 3 seiñ da yachem wow pyrkhat sani bha hajrong kani ka kaam wei da rai wow yachem biang wa u DC ka EJHD deilang wa i thoh wow thung noh daka takit (Enquiry) hajrong ki Auction Challan wa i rukom pynlai yaw yaka neibynta wow yoh ka yutip wa tikna, chooh chooh kam wow thooh yutip wa rap bniah daw yaleh daka Right to Information (RTI), ong u S. Lyngdoh President EJNC-CEC.

Advertisement ad1

0 Comments

Leave a Reply