15 49.0138 8.38624 1 0 4000 1 https://wyrta.com 300 0

Ki MDC wa yut seiñ da nohyap ki haka kaam seiñpyrthai: Bindo

0 Comments

Shillong: Ka United Democratic Party (UDP) da pdiang smat ko ya i mih noh ki 4 ngut ki MDC ka Jaiñtia Hills Autonomous District Council (JHADC) kiwa da thmu wow psiah noh cha ka BJP ha ka 7 tarik uni u bnai. Ya kani ka rai ka UDP da chim ynne ka sngi ha ka yalang wa emlang leh ki 6 ngut ki MDC wa dang sah ka Party na JHADC.

Hawa yaklam hadien ka yalang, u Senior Working President ka UDP, u Bindo M Lanong da ong u wa kini ki 4 ngut ki MDC da leh jhan ki yaka rai khlem da pyrkhat neibhah ki ym sñiawthooh bha ki yaka kaam saiñpyrthai wei da nohyap hi ki haka kaam saiñpyrthai.

Advertisement ad1

Da ong u leh wa ini i leh yong ki daw booh ya i eh wa khroo ya ki neibha ka UDP em ko ha ka liang synchaar ha JHADC, wei i nyngkong dooh wow leh katni toh wow pyndam noh syndon ya uwa yahkhmat kine ki 4 ngut, u Lakhon Biam na ka chuki Chairman ha JHADC.

Hawa kylli, u Bindo da ong u, “I emlang i ha ka sorkar MDA wa ka BJP tangwa ym ya krehlang i waka BJP, wei ym ktah ko iyi iyi leh yaka sorkar MDA.”

Ki MDC kiwa da yut noh na ka UDP wow lai psiah cha ka BJP ki kynthup ya u Lakhon Biam, Krison Langstang, Treilang Suchiang wa u Dawan Lyngdoh.

Ki MDC kiwa dang em ha ka UDP toh u Laski Rymbai, Winning Garland Sungoh, Dr. Sanki Shangpung, Finelynes Bareh, Emlangki Lamare, Lomris Lyngdoh wa u Richard Lyngdoh (Ind).

0 Comments

Leave a Reply