Ka Super Division ka East Jaiñtia Hills District Football Association (EJHDFA) kawa tip leh kam ka 3rd Kyrmen Shylla Contribution Trophy dapoi ko cha ka sngi wa khad-ar ynne da ar tylli ki yalehke.
Ka yalehke wa nyngkong da kut ko da 2-2 hapyrdi ka Rymbai Shkenshynriah waka Moolamanoh SC.
Ya ka Skhenshynriah da thap kool da u Ribha Dkhar haka minit wa 28 wa 33 katwa yaka Moolamanoh da thap da u Kiming Dkhar haka minit wa 37 wa u Jesly Sungoh (Own Goal) haka minit wa 90+1.
Ka yalehke wa ar leh da khut ko khlem em wa jop hapyrdi ka Rymbai Wahshnong SC waka Khliehriat West YWSC da 1-1.
Ya ka Wahshnong da thap da u Pyndap Bareh haka minit wa 42 katwa yaka Khliehriat West YWSC da thap da u Sandy Kassar da ka Penalty haka minit wa 54.
Ki yalehke wa bood u pynman haka 4 tarik hapyrdi ka Rymbai Shkenshynriah SC waka Khliehriat West YWSC heipor 11:00 waje i step wei daw pynbood da ka Moolamanoh SC waka Rymbai Wahshnong SC heipor 1:00 waje i sngi.
Hadooh ynne ka sngi, ka Sutnga SSCC da yoh nyngkong ko deiwa yoh 16 Point, hei wa ar won da em ka Rymbai Shkenshynriah SC kawa em 11 Point. Ka Points Table man ko kamni ha wah:
Discussion about this post