Ka Super Division Football League Tournament 2022 wa pynman da ka West Jaiñtia District Sports Association (WJDSA) kawa tip leh kam ka U Kiang Nangbah Memorial Trophy dapoi ko cha ka sngi wa khatwi ynne.
Ka yalehke wa da pynman ynne ka sngi toh hapyrdi ka 7Wasa waka Khimusniang heiwa ka 7Wasa da jop ko da 3-1.
Ka Khimusniang da yoh ko wow thap kool nyngkong chwa u kut ka kylla step lyngba u Eddie Bamon ha ka minit wa 45+1.
Ka 7Wasa da thap ko ya waroh le tylli ki kool ha ka kylla miet da ka Hat-Trick na u Burom Salahe uwa da thap ha ka minit wa 47,52 wa 57.
Ka yalehke mynstep u man ko hapyrdi ka Ladthadlaboh waka Mynthong heipor 3:00 waje i sngi.
