Sy’at ki mar rep toh wa duna i pynmih pyn napoh ka jylla: Santa

Ka District Level Exhibition Cum Workshop on Horticulture and Honey Bee da pynman da ka yung krehkaam u District Horticulture Officer, East Jaiñtia Hills District ynnin ka sngi ha Khliehriat West Community Hall heiwa u Montri ka chnat Excise Department, Home (Passport), Revenue wa Disaster Management, u Kyrmen Shylla da man u kam u kongsan hei emlang ka Santa Mary Shylla, MLA ka 5-Sutnga Saipung Assembly Constituency, kam ka symbood kongsan.

U Kyrmen Shylla hawa e yei klam da ong u wa i rep da man i i kaam wa pyn-im ja ya ki paidbah ka District deiwa kyntu ya kiwi wow sdang ki u rep noh heijooh i por leh wow pynboon yeiwa rep ki yow pynku ya ka nong.  

Da ban joor u wow pyndooh yei pam ya ki dieñ wei wow sdang thung biang ya ki wow yada ya ka talawiar ka rym-aw deiwa pynchlur ya ki warep wow thooh yarap ki na ki chnat sorkar. Da pynchlur u leh ya ki warep wow ri ngap ki najrong ki jhoor wa da rep chwa ki.  

Ka Santa Mary Shylla da e khublei ko ya ki warep ka District wa da wan chimbynta ha kani ka sngi deiwa ong wa i kaam rep toh iwa emkaam wow pyndap baam ya waroh. Da ong ko wa i daw wa sy’at ki mar rep toh wa duna i pynmih mar rep pyn na ka jylla wa ka District kamtæ da emkaam wow pynchlur u rep wei wow pynboon ya ki mar rep wa pynmih deiwa pynchlur leh ya ki warep wow pteiñ yei kreh chitom wei wow lai thooh ya ki laad yarap na ki Scheme sorkar khamtam na ka chnat Horticulture.    

Related posts

Da boonsien dep u yasyllok wa kiwa chongdai madan, phylla u Paul yei pynbaad wa leh yabor

November 24, 2024

Da 4 lak tam ki Vote jop ka Priyanka Gandhi ha ka Election wa nyngkong yong ka

November 23, 2024

Ha kani ka sngi da yoh leh i klam na ka D. Sohtun, Director of Horticulture, Department of Agriculture and Famer’s Welfare, u D.B. Dhar, District Horticulture Officer uwa e ktien pdiang burom, ka K. Lamare, Executive Engineer, Water Resource, Dr. D. Pasweth, Senior Scientist, Krishi Vigyan Kendra (KVK), Jaiñtia Hills wa na u M. Slong, Asst. Director of Agriculture.

Ha kani ka sngi u Kyrmen Shylla waka Santa Mary Shylla chirup wa ki sahep, da lai pait ki ya ki dukan jhoor, soh, musla wa kiwi kiwi kiwa da booh da ka yung krehkaam u District Animal Husbandry & Veterinary Officer, ka KVK, Jaiñtia Hills wa na ka Mynkre Farm.

Da pynman leh ya ka e sikai ha Khliehriat Community Hall, ya ki warep heiwa da yoh ki leh wow yaklam pynche wa ki sahep na ka Krishi Vigyan Kendra (KVK) wa ki Bank heiyatoh wa ka ram Kisan Credit Card (KCC). 

Da saam leh ya ki khusnaam cha kiwa jop ha kani ka Exhibition.