Shillong: Ynne ka janmiet ye ko u man ka sngi wow pynkhyrngiat ya kiwa boon heiwa arngut ki MLA warim na ri-loom Jaiñtia da psiah noh ki cha ka Party NPP.
Kini ki ar ngut kynthup ki ya u MLA warim ka Mowkaiaw, u Robinus Syngkon wa u MLA warim ka Khliehriat, u Justine Dkhar.
Ha kani ka janmiet da psiah leh uwi na ki heh ka BJP na ri-loom Jaiñtia, u Thomas Nongtdu kamjooh leh u MDC na Nangbah uwa man leh u MDC ka UDP u Shemhok Garod.
Ha kani ka sngi wa psiah kini ki heh saiñ hima na ri-loom Jaiñtia, da sakhilang da u National president ka NPP, uwa man leh u montri rangbah ka jylla, u Conrad Sangma, u State President ka NPP u WR Kharlukhi, u MDC ka NPP na Musngiang Rngad u Phasmon Dkhar, u KM Lytan wa kiwi kiwi.
Ini i psiah kini kiwa mihkhmat paidbah cha ka NPP ye i wow ktah ya ka BJP khamtam chwa wow man ka Election MP heiwa ka BJP angnood ko wow pynyakhun da u yong ka u kyrtong na ka Shillong Seat.
Discussion about this post