Syndet syndet mih ki dkhot ka NEHUSU wow dawa yeiwa dang sahteiñ hachwa wow sdang ka Convocation

Shillong: Ki khynroo khyllood wa puræ hapoh ka skurbah North Eastern Hill University (NEHU) ynne ka sngi da pynman ki da ka yakhih ha ka yurim wa ki heh ka NEHU ym ye ki u pynhun ya ki 11 tylli ki mat dawa ki khynnah wa puræ hapoh ka seiñ NEHU Students’ Union (NEHUSU) heipor wa dang wan ki heh ki haiñ kiwa mut wow lai chimbynta ha ka Convocation wa 24 yong ka hadooh wa da sah kut ki kam chi kynta hadooh wow poi ki cha ka Convocation Hall.

Kiwa yah khmat ka NEHUSU da pynman ki ya kani ka yakhih deiwa khang ya ka sarok chi kynta chwa wow sdang ya ka Convocation heiwa da wan u dkhot ka NITI Aayog u Dr. Vijay Kumar Saraswat.

U Vice Chancellor Prof. SK Srivastava,u  Pro-Vice Chancellor Prof. Henry Lamin ym em poi pyrkhat ki wow em syndet kam kani ka yakhih wei ki leh da poi slem ki cha ka Convocation.

U Prof. Srivastava da kyntu u ya kiwa yakih wow sangeh ki wei oo da kular u wow leh ya waroh ki dawa wei daw yachem u leh wa kiwa yah khmat ka NEHUSU hei janmiet.

Related posts

Wa man Rangbah Shnong ki Garo, lai kdaw ka KHNAM ha ka KHADC wa man i pyrchah ya ka aiñ

November 26, 2024

Heipor tlang wa duna um ym ye u leh iyi iyi: Marcuise N Marak

November 26, 2024

Da pyntip u wa ka All India Council for Technical Education (AICTE) dang ini wadep da mynjur ko wow leh yeiwa emkaam wa da sahteiñ la 7 snem kattu wei u VC da kular u leh wow yachem ya waroh ki montri wow sdang noh ya ka CSIR NET Center hapoh ka NEHU.

Uwi na kiwa yahkhmat ja NEHUSU da ong wa kani ka Convocation wa pynman ynne ka sngi toh kawa da pynslem da palat chisnem wei da ktah ko yei yohkhih ki hajar ngut kiwa puræ ka NEHU.

“Ka NEHU da kyndehke ko wa ka mynried ki khynroo khyllood deiwa yang hi-eh ki ya u kongsan wa biang wow emlang ha kani ka Convocation” da kynnoh ka NEHUSU.

Ki dawa ka seiñ toh wow thied thymme ya ki bus wei katni da em du 16 tylli wow kit ya ki 5000 ngut kiwa puræ wei u VC da pyntip u wa ka UGC ym bien ko u e poisa wow thied bus thymme wei da yachem ki wa ka SBI wei da pyllait ko T. 21 Lak wow thied ya kawi ka Bus.

Hadien wa boon ki kular u VC ki dkhot ka NEHUSU da pyllait ki wow lai ki kari cha khmat yow pyndep ya ka Convocation.

U General Secretary ka seiñ u Elnathan W. Lyngkhoi da ong u wa lada ym ye u e da i thoh i taar hei yatoh wa i kular daw pynjoor chooh ya ka yakhih.