U Prime Minister Narendra Modi ynnin ka sngi da lai pait u ya ka Gujarat hadien wa wan ka æryong (Cyclone) Tauktae. U Prime Minister da lai pait u yei ktah ka æryong deiwa lai da ka lieñsuiñ khamtam ha ki thaw wa chah ktah dooh kam ha Una (Gir-Somnath), Jafrabad (Amreli), Mahua (Bhavnagar) ha Gujarat wa Diu.
Hadien ini da pynman ya ka yalang ha Ahmedabad yow pyrkhat kiyi kiwa toh u leh yow yarap ya ka Gujarat wa Diu.
U Modi da pynbna u ya ka T. 1000 klur yow sdang smat noh ya ki kaam yarap neibynta ka jylla Gujarat. Hadien ini daw phah da ki Montri yow lai pait hadooh katwon chah ktah wei hadien ini daw chim biang ya ka rai wa hadooh katwon u e yarap chooh chooh.
Ha ini i lai pait, da booddien u leh yei long i man wa yatoh wa ka khlam COVID-19 heiwa ha ini waroh da synran ya oo da u Chief Minister Vijay Rupani wa kiwi de ki heh sorkar ka Gujarat.
U Modi da pynbna u leh ya ka poisa yarap wa T. 2 lak cha kiwa ha yung ha sem kiwa khlaad wa T. 50,000 cha kiwa mynsoo joor na kani ka æryong ha ka jylla Kerala, Karnataka, Goa, Maharashtra, Gujarat, Rajasthan wa ki UT ka Daman & Diu wa Dadra & Nagar Haveli.
