New Delhi: U Union Minister of State for Development of North Eastern Region (IC), u Dr. Jitendra Singh da pynman u yaka yalang wa ki sahep ka Ministry of Development of North Eastern Region (DoNER) wa North Eastern Council (NEC), ynne ka sngi wei da emlang leh u Secretary, Ministry of DoNER, Dr. Inderjit Singh, Secretary NEC, u Ram Muivah.
Ki sahep da batai ki ya u montri ya ki kaam wa dang lai chakhmat haka thaaiñ North East wa kamjooh ki kaam kiwa daw sdang ha kani ka thaaiñ.
Ha kani ka yalang da pyntip cha u Dr. Jitendra Singh wa da pynlait T. 11 klur yow chna yaka JNU Hostel neibynta kiwa wan puræ na North East cha Delhi.
I khut Tender da leh daka CPWD wei dang lai i chakhmat.
Kani ka Hostel u man ko kawa nyngkong hapoh JNU wei daw em ko 224 kamra neibynta ki 424 ngut kiwa lai puræ. Na kini ki 224 tylli ki kamra, 24 tylli toh kiwa da booh kyrpang ya kiwa em i duna hei doh i pran wei kiwa sah daw yabhah 200 tylli ya ki chynrang wa 200 tylli ya ki kynthai.
Kani ka Hostel u man ko soo mala wei u chna ha i thaw wa heh chi acre chiteiñ. I chna u sdang ko pyn ha kini ki tayaw wow wan.
Da pyntip leh wa yaka Hostel neibynta ki kynthai na North East wa wai da u Prime Minister ha Bengaluru ha kini ki bnai wa da dep da man ko kawa krehkaam. I thooh thaw wow chna saka Rohini Hostel neibynta kiwa puræ na North East ha ki College wa yatoh waka Delhi University da lai ko cha khmat wei ka poisa wa T. 2.5 klur pyllait cha ka DDA wei ya kani ka Hostel daw chna ha i thaw wa heh kamwa 5 Acre.
Heiyatoh won wa i man ka North Eastern Cultural and Information Centre ka wow booh ha Dwarka, New Delhi, da yaklam ha kani ka yalang. Da antad wow lut kamwa T. 50 Klur wow chna yaka wei u man ko ka thaw wow pynyoo rong ya ka dustur riti ka thaaiñ mihsngi wei kam ka thaw pynman ya ki yalang wa boon jait wei daw chna yaka katkam ka kyrdan wa man cha kiwi ki ri wei daw em ko leh yaka Library-cum-reading room heiwa daw booh ya ki kot ki sla wa na thaaiñ mihsngi wa ki thaw pynyoo rong ya ki dur ki dar wa mih na thaaiñ mihsngi.
Discussion about this post