New Delhi: Ka sorkar ka ri Japan da rai ko wow pynlut poisa (Invest) 205.784 Billion Yen, iwa man leh T.13,000 klur ha ki kaam (project) wa boon kiwa da sdang kamjooh leh kiwa daw sdang ha ki jylla ka thaaiñ mihsngi.
Yeini da pyntip hadien ka yalang hapyrdi u montri ka DoNER, u Dr. Jitendra Singh wa ki heh sorkar ka ri Japan wa yahkhmat da u Ambassador ka Japan cha India, u Kenji Hiramatsu, ha Delhi ynne ka sngi.
Kini ki Project u kynthup ki ya ka Guwahati Water Supply Project wa ka Guwahati Sewage Project ha jylla Assam, Northeast Road Network Connectivity Improvement Project kiwa ha Assam wa Meghalaya, ka Northeast Network Connectivity Improvement Project ha Meghalaya, Bio-diversity Conservation and Forest Management Project ha jylla Sikkim, Sustainable Forest Management Project ha Tripura, Technical Cooperation Project for Sustainable Agriculture & Irrigation ha Mizoram, ka Forest Management Project ha Nagaland, wa kiwi kiwi.
U Dr. Jitendra Singh da yaroh u yeini i e yarap ka ri Japan wow kyntu kynrong ya ka thaaiñ ha ki 3-4 snem wa da lai deiwa pynrap leh wa yooluti u wa daw ye u kreh chirup hajrong u chken wa ki siej.
Da yaroh u leh ya ka sorkar u Modi, kawa da pynkylla ya ka aiñ kawa 90-snem kawa tip kam ka “Indian Forest Act of 1919” yong ka sorkar pharæng wow wanrah pyndam ya ki siej wa u chken na kani ka aiñ.
Discussion about this post