Jowai: Ka sorkar Meghalaya ynne ka sngi da rai ko wow pynduna da T. 2.50 na ka bai Petrol wa Diesel na ka chi liter ha ka yalang ki montri sorkar namo ka Cabinet Meeting.
Ini i dor thymme u krehkaam i nadooh myntu ka 12 waje pyrdi synyaaw wei ka sorkar u dooh nong ko T. 15 klur chi snem neini i pynhiar dor yei phniang.
U symbood montri rangbah u Prestone Tynsong da ong u ini wa leh ka sorkar toh deiwa pyrkhat ya ki paidbah yow pynduna i lutsan yong ki wei ka sorkar da leh ko ya ini da i bor yong ka hi wei ym em pynbor ka sorkar pyrdi wei kamjooh leh wow bood ya ka nongmuna wa yah ka sorkar pyrdi ha ka 5 tarik uni u bnai.
Da ong u leh wa ka sorkar daw thooh laad ko kammon wow pynmih yei dooh nong ko wei da phah ha ki kattu katni ki chnat sorkar kam ka Forest, Transport, Mining & Geology wa kiwi kiwi wow leh ki ya ini.
Ha kini ki sngi wa da dep i dor yong ka Petrol ha Shillong ka da poi ko T.81.65 chi liter wei u hiar noh ko cha ka T.79.15 chi liter, katwa i dor yong ka Diesel kawa man T.74.23 chi liter u hiar ko cha ka T.71.73 chi liter na ini i rai yong ka sorkar.
Discussion about this post