U Montri ka sorkar pyrdi uwa pait ya ka chnat Information and Broadcasting, u Anurag Thakur ynne da wai u ya ka India Pavilion ha Cannes Film Market ‘Marche du Film’. Wei daka thong wow pynman ya ka India kam ka thaw chna phlim kiwa na baar ri, da pynbna u ya ar tylli ki Scheme yow pynchlur ya ini kiwa tip kam ka ‘Incentive Scheme for Audio-Visual Co-production’ waka ‘Incentive Scheme Shooting of Foreign Films in India’.
U Thakur da pyntip u wa ki phlim wa da chna lang (Co-Production) wa kiwa em ha India wa da ki International Film Production Company ye ki wow yoh yarap 30% nei lutphut ki iwa ym toh wow palat T. 2 klur.
Ki phlim yong ki baar ri wa riñ ha India daw ye ki leh wow kam sa 5% i yoh yarap kawa ym toh u palat T. 50 lak lada pynemkaam ki 15% da ki bru kiwa napoh India hi.
Da kini da yooluti wa daw pynchlur ya kiwa chna phlim wow wan ki cha India yow chna phlim.
