U Dr. Jitendra Singh uwa man u montri khynnah ka sorkar pyrdi uwa pait ya ka chnat Development of North Eastern Region (DoNER), MoS PMO, Personnel, Public Grievances, Pensions, Atomic Energy wa Space da ong u wa hapoh ka AatmaNirbhar Bharat Package wa da pynbna ha ka 12 Naichiphaw (October), 2020 ka sorkar pyrdi da booh bhah ko T. 200 klur neibynta ki 8 tylli ki jylla ka thaaiñ mihsngi kawa khlem sut wa 50 snem namo ka ‘Special interest-free 50-year loan’ hapoh ka Capital Expenditure Boost ya ki jylla.
Yeini u Dr. Singh da ong u ha Rajya Sabha ynne ka sngi.
Da ong u leh wa ka sorkar da pynbna ko ya ka AatmaNirbhar Bharat Packages (ANB) 1.0, 2.0 wa 3.0 ha ka 13 Naisan 2020 hadooh ka 17 Naisan 2020, ha ka 12 Naichiphaw 2020 wa 12 Khonchonglad (November) 2020.
Ka AatmaNirbhar Bharat Package kynthup ko neibynta wow pynkrehkaam ya ki Scheme/Programme/Policy khamtam hajrong ka thong wow yakhun pyrchah ya ka khlam COVID-19 wei wow pyndap pynbiang yeiwa emkaam ki jylla.